விருது பெற்ற ஆசிரியர்களுக்கு பாராட்டு

திருவேங்கடம்:

மதுரை நவகளஞ்சியம் அறக்கட்டளை ஆண்டுதோறும் தமிழ்நாடு முழுவதும் கல்விப்பணியில் புதுமையும், புரட்சியையும் செய்து வரும் ஆசிரியர்களை தேர்வு செய்து அவர்களுக்கு சீர்மிகு நல்லாசிரியர் விருது வழங்கி வருகிறது. இந்த ஆண்டுக்கான விருது தென்காசி மாவட்டம் குருவிகுளம் ஒன்றியம் குருஞ்சாக்குளம் ஊராட்சி ஒன்றிய நடுநிலைப்பள்ளி ஆசிரியர் ராஜேந்திரன், சுவாமிநாதபுரம் ஞானசுந்தரி அம்மாள் நடுநிலைப்பள்ளி தலைமை ஆசிரியர் ராமமூர்த்தி, குருவிகுளம் டி.டி.டி.ஏ. தொடக்கப்பள்ளி தலைமை ஆசிரியை ரூபி வெள்ளத்தாய், மலையடிபட்டி அரிசன் தொடக்கப்பள்ளி தலைமை ஆசிரியை பரிபூரணம், சாயமலை டி.டி.டி.ஏ. நடுநிலைப்பள்ளி ஆசிரியர் செல்வராஜ், நெல்லை மாவட்டம் ராதாபுரம் ஒன்றியம் விஜயாபதி ஊராட்சி ஒன்றிய நடுநிலைப்பள்ளி தலைமை ஆசிரியை கித்தேரி அம்மாள், நாங்குநேரி ஒன்றியம் வாகைக்குளம் ஊராட்சி ஒன்றிய தொடக்கப்பள்ளி தலைமை ஆசிரியை லிஸி, ஆயர்குளம் ஊராட்சி ஒன்றிய தொடக்கப்பள்ளி ஆசிரியை கன்னியம்மாள், தூத்துக்குடி மாவட்டம் கயத்தாறு ஒன்றியம் வாகைத்தாவூர் ஊராட்சி ஒன்றிய நடுநிலைப்பள்ளி தலைமை ஆசிரியை அய்யம்மாள், வடக்கு வண்டானம் புனித சேவியர் நடுநிலைப்பள்ளி தலைமை ஆசிரியர் அந்தோணிராஜ் ஆகியோருக்கு வழங்கப்பட்டு உள்ளது.

விருது பெற்ற அனைவருக்கும் தமிழ்நாடு தொடக்கப்பள்ளி ஆசிரியர் மன்றம் சார்பில் பாராட்டு விழா குருவிகுளத்தில் நடைபெற்றது. இதில் ஆசிரியர் மன்றத்தின் மாநில, மாவட்ட, ஒன்றிய பொறுப்பாளர்கள், உள்ளாட்சி பிரதிநிதிகள் உள்ளிட்டோர் கலந்து கொண்டு, விருது பெற்ற ஆசிரியர்களை பாராட்டினர்.