பொள்ளாச்சி
பொள்ளாச்சி கல்வி மாவட்டத்திற்கு உட்பட்ட கோட்டூர் குறுமைய அளவிலான விளையாட்டு போட்டிகள், கோட்டூர் அரசு மேல்நிலைப்பள்ளியில் நடைபெற்றது. இதில் அரசு, தனியார் பள்ளிகள் உள்பட 31 பள்ளிகளை சேர்ந்த மாணவ-மாணவிகள் கலந்துகொண்டு திறமையை வெளிப்படுத்தினர். 14 வயதுக்கு உட்பட்டோருக்கான டேபிள் டென்னிஸ் போட்டியில் மாணவிகள் பிரிவில் கோட்டூர் அரசு பெண்கள் பள்ளி முதலிடமும், 17 வயதுக்கு உட்பட்டோருக்கான பிரிவில் கோட்டூர் அரசு பெண்கள் பள்ளி முதலிடமும் பிடித்தன.
மாணவர்கள் பிரிவில் ஹேண்ட் பால் போட்டியில் 14, 17, 19 வயதுக்கு உட்பட்டோருக்கான மாணவர்கள் பிரிவில் கோட்டூர் அரசு ஆண்கள் மேல்நிலைப்பள்ளி முதலிடம் பிடித்தது. குறுமைய அளவிலான போட்டியை தொடர்ந்து வட்டார அளவிலான போட்டிகள் நடைபெறும்.