கருணாநிதி பிறந்த நாள் விழா; சபாநாயகர் அப்பாவு பங்கேற்பு

வள்ளியூர்:

வள்ளியூரில் நடந்த கருணாநிதி பிறந்த நாள் விழாவில் சபாநாயகர் அப்பாவு பங்கேற்று, கருணாநிதி உருவப்படத்துக்கு மாலை அணிவித்து மரியாதை செலுத்தினார்.

வள்ளியூர்

மறைந்த முன்னாள் முதல்-அமைச்சர் கருணாநிதியின் 100-வது பிறந்த நாள் விழாவையொட்டி வள்ளியூரில் அலங்கரிக்கப்பட்ட அவரது உருவப்படத்திற்கு சபாநாயகர் அப்பாவு மாலை அணிவித்து மரியாதை செலுத்தினார். தொடர்ந்து ஒடிசா மாநிலத்தில் நிகழ்ந்த ெரயில் விபத்தில் இறந்தவர்களுக்கு ஒரு நிமிட மவுன அஞ்சலி செலுத்தப்பட்டது. வள்ளியூர் நகர பஞ்சாயத்து தலைவர் ராதா ராதாகிருஷ்ணன், தி.மு.க. மாவட்ட துணை செயலாளர் நம்பி, அலெக்ஸ் அப்பாவு உள்பட பலர் கலந்து கொண்டனர்.

இதேபோன்று லெப்பைகுடியிருப்பு, பணகுடி மற்றும் திசையன்விளை பகுதிகளிலும் அலங்கரிக்கப்பட்ட கருணாநிதி உருவப்படத்திற்கு சபாநாயகர் அப்பாவு மாலை அணிவித்து மரியாதை செலுத்தினார்.

மறைந்த முன்னாள் முதல்-அமைச்சர் கருணாநிதி நூற்றாண்டு பிறந்த நாள் விழாவையொட்டி, வள்ளியூர் பழைய பஸ்நிலையம் அருகில் அலங்கரிக்கப்பட்ட அவரது உருவப்படத்துக்கு வள்ளியூர் யூனியன் சேர்மனும், தெற்கு ஒன்றிய செயலாளருமான சேவியர் செல்வராஜா தலைமையில் மாலை அணிவித்து மலர் தூவி மரியாதை செலுத்தப்பட்டது.

வள்ளியூர் பேரூராட்சி தலைவர் ராதா ராதாகிருஷ்ணன், துணை தலைவர் கண்ணன் உள்பட பலர் கலந்து கொண்டனர்.

பேட்டை

நெல்லை சந்திப்பு கூட்டுறவு பேரங்காடியில் நடந்த விழாவுக்கு பேரங்காடி தலைவர் பல்லிக்கோட்டை செல்லத்துரை தலைமை தாங்கி, கருணாநிதியின் உருவப்படத்திற்கு மாலை அணிவித்து மரியாதை செலுத்தினார். தொடர்ந்து தி.மு.க. கொடியேற்றி, அனைவருக்கும் இனிப்புகளை வழங்கினார். நிகழ்ச்சியில் மாணவரணி ஆறுமுகராஜா உள்பட தி.மு.க. நிர்வாகிகள் பலர் கலந்து கொண்டனர்.