கருணாநிதி பிறந்த நாள் விழா

பாவூர்சத்திரம்:

கீழப்பாவூர் மேற்கு ஒன்றிய தி.மு.க. சார்பில், முன்னாள் முதல்-அமைச்சர் கருணாநிதியின் 100-வது பிறந்த தின விழா பாவூர்சத்திரத்தில் கொண்டாடப்பட்டது. பஸ் நிலையம் அருகில் அலங்கரித்து வைக்கப்பட்டிருந்த கருணாநிதியின் உருவப்படத்திற்கு கீழப்பாவூர் யூனியன் தலைவர் சீ.காவேரி சீனித்துரை மாலை அணிவித்து, மலர் தூவி மரியாதை செலுத்தினார். தொடர்ந்து 100 பேருக்கு தென்னங்கன்று மற்றும் பொதுமக்களுக்கு இனிப்பு வழங்கப்பட்டது.

மாவட்ட கவுன்சிலர் இரா.சாக்ரடீஸ், அறங்காவலர்குழு உறுப்பினர் கே.பி.காலசாமி, தொழிலதிபர் சேவியர்ராஜன், பொறியாளர் அணி துணை அமைப்பாளர்கள் தளபதி விஜயன், கபில்தேவதாஸ், விளையாட்டு மேம்பாட்டு அணி துணை அமைப்பாளர் மாஸ்டர் கணேஷ், மருத்துவரணி துணை அமைப்பாளர் தீபன் சக்கரவர்த்தி, உதயநிதி ஸ்டாலின் நற்பணி மன்ற துணை செயலாளர் வைரசாமி, ஆதிதிராவிடர் அணி துணை அமைப்பாளர் தர்மராஜ், ஒன்றிய கவுன்சிலர்கள் ராஜேஸ்வரி, ஜான்சி ஜெயமலர், ஹேமா சரவணன், மற்றும் ஷாலி மேரி, மாரியம்மாள், பஞ்சாயத்து தலைவர் முத்துமாலையம்மாள் மதிச்செல்வன், ஒன்றிய அவைத்தலைவர் ஜோதிராஜ், உள்பட பலர் கலந்து கொண்டனர்.