கலைவாணி மெட்ரிக் பள்ளி மாணவர்கள் சாதனை

திருவேங்கடம்:

திருவேங்கடம் ஸ்ரீகலைவாணி மெட்ரிக் மேல்நிலைப்பள்ளி மாணவ-மாணவிகள் 10-ம் வகுப்பு தேர்வில் சாதனை படைத்து உள்ளனர். 20 மாணவர்கள் 475 மதிப்பெண்களுக்கு மேலும், 53 மாணவர்கள் 450 மதிப்பெண்களுக்கு மேலும், 121 மாணவர்கள் 400 மதிப்பெண்களுக்கு மேலும் பெற்று உள்ளனர். 226 மாணவர்கள் முதல் வகுப்பில் தேர்ச்சி பெற்றனர். மாணவர்கள் கிஷோர், சிவகணேஷ், ராகுல் ஆகியோர் 488 மதிப்பெண்களும், அபிநயா 487 மதிப்பெண்களும், சங்கரேஸ்வரி, அர்ஷா, சஹானா, விஸ்வநாதன் ஆகியோர் 486 மதிப்பெண்களும் பெற்று பள்ளியில் சிறப்பிடம் பெற்றனர். தமிழ் பாடத்தில் ஒருவர் 98 மதிப்பெண்களும், ஆங்கிலத்தில் 7 பேர் 99 மதிப்பெண்களும், கணித பாடத்தில் 14 பேர் 100-க்கு 100 மதிப்பெண்களும், அறிவியலில் ஒருவர் 100 மதிப்பெண்களும், சமூக அறிவியலில் 2 பேர் 98 மதிப்பெண்களும் பெற்று உள்ளனர். சாதனை படைத்த மாணவ-மாணவிகளை பள்ளி முதல்வரும், தாளாளருமான வி.பொன்னழகன் என்ற கண்ணன் மற்றும் ஊர் பொதுமக்கள் பாராட்டினர்.