கடலூரில் முதியவர் வீட்டில் நகை திருட்டு போலீசார் விசாரணை

கடலூர் தேவனாம்பட்டினம் என்.ஜி.ஓ.நகரை சேர்ந்தவர் கல்யாணசுந்தரம் (வயது 64). இவர் சம்பவத்தன்று சென்னையில் உள்ள தனது மகன் வீட்டுக்கு சென்றிருந்தார். பின்னர் நேற்று முன்தினம் வீட்டுக்கு வந்து பார்த்த போது, வீட்டின் பின்பக்க கதவு பூட்டு உடைக்கப்பட்டு திறந்து கிடந்தது. இதனால் அதிர்ச்சி அடைந்த அவர் அங்கிருந்த பீரோவை பார்த்தார். பீரோ திறக்கப்பட்டு, அதில் இருந்த 2 பவுன் நகையை காணவில்லை. அதை மர்ம நபர்கள் யாரோ பூட்டை உடைத்து உள்ளே புகுந்து திருடிச்சென்றது தெரிய வந்தது. இதன் மதிப்பு ரூ.60 ஆயிரம் ஆகும். இது பற்றி கல்யாணசுந்தரம் கடலூர் புதுநகர் போலீசில் புகார் செய்தார். அதன்பேரில் போலீசார் வழக்குப்பதிவு செய்து, நகையை திருடிச்சென்ற மர்ம நபர்களை தேடி வருகின்றனர்.