பெண்ணிடம் நகை பறிப்பு

கோவில்பட்டி (கிழக்கு):-

கோவில்பட்டி நாடார் நடுநிலைப்பள்ளி தெருவை சேர்ந்தவர் தமிழரசன் மனைவி மீனாசுந்தரி (வயது 52). இவர் சம்பவத்தன்று வீட்டிலிருந்து நடந்து கடலைக்கார தெரு வழியாக பத்திரகாளி அம்மன் கோவில் அருகே சென்று கொண்டிருந்தார்.

அப்போது, அங்கு மோட்டார் சைக்கிளில் வந்த மர்ம நபர், மீனா சுந்தரி கழுத்தில் அணிந்திருந்த சுமார் 2½ பவுன் தங்க நகையை பறித்துவிட்டு தப்பி சென்றுவிட்டார். இதுகுறித்து மீனாசுந்தரி அளித்த புகாரின் பேரில் கோவில்பட்டி கிழக்கு போலீசார் வழக்குப்பதிவு செய்து விசாரணை நடத்தி வருகிறார்கள்.