19-ந் தேதி ஜமாபந்தி தொடக்கம்

ஆரணி

திருவண்ணாமலை மாவட்ட கலெக்டர்முருகேஷ் உத்தரவின் பேரில் 2022-23-ம் ஆண்டின் வருவாய் தீர்வாயம் எனப்படும் ஜமாபந்தி ஆரணி தாலுகா அலுவலகத்தில் வருகிற 19-ந் தேதி (வெள்ளிக்கிழமை) காலை 11 மணியளவில் நடக்கிறது. ஆரணி உதவி கலெக்டர் எம்.தனலட்சுமி தலைமை தாங்குகிறார்.

19-ந் தேதி கண்ணமங்கலம் உள்வட்டத்துக்குட்பட்ட கிராம பகுதிட பொதுமக்களிடம் இருந்து மனுக்கள் பெறப்படுகிறது,

22-ந் தேதி அக்ராபாளையம் உள்வட்ட கிராம பகுதிகளில் இருந்தும், 23-ந் தேதி முள்ளிப்பட்டு உள் வட்டத்திற்கு உட்பட்ட கிராம பகுதிகளில் இருந்தும், 24-ந் தேதி எஸ்.வி.நகரம் உட்வட்ட கிராம பகுதிகளில் இருந்தும் பொதுமக்களிடம் இருந்து மனுக்கள் பெறப்படுகிறது.

தொடர்ந்து 25-ந் தேதி ஆரணி நகர உள்வட்டத்தில் உள்ள பகுதிகளில் இருந்து மனுக்கள் பெறப்படுகிறது.

குறை மனுக்களை பெற்று 25-ந் தேதி விவசாயிகள் மாநாடு நடக்கிறது.

ஜமாபந்தி முகாமிற்கான ஏற்பாடுகளை தாசில்தார் ரா.மஞ்சுளா, மண்டல துணை தாசில்தார்கள், தலைமை இடத்து தாசில்தார்கள், வட்ட வழங்கல் அலுவலர், சமூக பாதுகாப்பு திட்ட தாசில்தார், வருவாய் ஆய்வாளர்கள், கிராம நிர்வாக அலுவலர்கள் ஆகியோர் செய்து வருகின்றனர்.