சுதந்திர தினவிழா கொண்டாட்டம்

நெல்லை மாவட்டத்தில் பல்வேறு இடங்களில் சுதந்திர தின விழா கொண்டாடப்பட்டது.

சுதந்திர தின விழா

இட்டமொழி மின்சார வாரிய பிரிவு அலுவலகத்தில் சுதந்திர தின விழா நடைபெற்றது. இளநிலை பொறியாளர்கள் ஸ்டாலின் ஜெபராஜ், முருகேசன் ஆகியோர் தேசிய கொடி ஏற்றினார்கள். நிகழ்ச்சியில் முகவர் ஆரோக்கியராஜ், மின் பாதை ஆய்வாளர்கள் அக்கினி ராஜ், செல்லம், நட்டார், பள்ளிகொண்டபெருமாள், கம்பியாளர் பட்டுராஜன், வணிக ஆய்வாளர் பேச்சிமுத்து உள்பட பலர் கலந்து கொண்டனர்.

நாங்குநேரி அருகே உள்ள வாகைக்குளம் எஸ்.ஏ.தொடக்கப்பள்ளியில் நடந்த விழாவுக்கு காங்கிரஸ் நாங்குநேரி வட்டார தலைவர் வாகைதுரை தலைமை தாங்கினார். முன்னாள் ராணுவ வீரர் வின்சென்ட்குமார் தேசிய கொடி ஏற்றினார். காங்கிரஸ் மாவட்ட இணைச்செயலாளர் ராமநாதன், துணைத்தலைவர் ஜெயசீலன், பள்ளி தலைமை ஆசிரியர் மெர்லின் உள்பட பலர் கலந்து கொண்டனர்.

மருதகுளம்

மருதகுளத்தில் பிரின்ஸ் ஸ்போர்ட்ஸ் கிளப் சார்பில் ஏனோக் முதியோர் பராமரிப்பு இல்லத்தில் சுதந்திர தினவிழா நடைபெற்றது. சேகரத்தலைவர் செலின் டேவிட் தேசிய கொடி ஏற்றினார். நல்லாசிரியர் ஜான் கோயில்பிள்ளை சுதந்திர தின சிறப்புரையாற்றினார். முதியோர்களுக்கு உணவு வழங்கப்பட்டது.

மூலைக்கரைப்பட்டி நகர பஞ்சாயத்து அலுவலகத்தில் நகர பஞ்சாயத்து தலைவர் கு.பார்வதி மோகன் தலைமை தாங்கி தேசிய கொடி ஏற்றினார். செயல் அலுவலர் நடராஜன், துணைத்தலைவர் நம்பி ரமேஷ் உள்பட பலர் கலந்து கொண்டனர்.

பரப்பாடியில் உள்ள இலங்குளம் பஞ்சாயத்து அலுவலகத்தில் பஞ்சாயத்து தலைவர் வி.இஸ்ரவேல் பிரபாகரன் தேசியக்கொடி ஏற்றி மரியாதை செலுத்தினார். நிகழ்ச்சியில் தி.மு.க. ஒன்றிய இளைஞரணி அமைப்பாளர் எஸ்.அருள்ராஜ் டார்வின், பஞ்சாயத்து துணைத்தலைவர் விஜி, முன்னாள் பஞ்சாயத்து துணைத்தலைவர் வேதநாயகம் உள்பட பலர் கலந்து கொண்டனர். முடிவில் ஊராட்சி செயலர் முருகன் நன்றி கூறினார்.

பணகுடி

பணகுடி பேரூராட்சி அலுவலகத்தில் பேரூராட்சி செயல் அலுவலர் கிறிஸ்டோபர்தாஸ் தலைமையில், துணை தலைவர் சகாயபுஷ்பராஜ் முன்னிலையில், பேரூராட்சி தலைவி தனலட்சுமி தமிழ்வாணன் தேசிய கொடி ஏற்றினார். அதன்பின் அங்குள்ள காந்தி சிலைக்கு மாலை அணிவித்து மரியாதை செலுத்தினார்கள். விழாவில் பேரூராட்சி கவுன்சிலர்கள் உள்பட பலர் கலந்து கொண்டனர்.