தூத்துக்குடியில்தே.மு.தி.க. கொடியேற்று விழா

தே.மு.தி.க. 23-ம் ஆண்டு கொடிநாளை முன்னிட்டு தூத்துக்குடி ஒன்றிய தே.மு.தி.க. சார்பில் புதுக்கோட்டையில் கட்சி அலுவலகம் முன்பு கட்சி கொடியேற்றும் விழா நடந்தது. விழாவுக்கு ஒன்றிய செயலாளர் விஜயகுமார் தலைமை தாங்கினார். சிறப்பு அழைப்பாளராக மாவட்ட துணைச் செயலாளர் ராமகிருஷ்ணன் கலந்து கொண்டு கட்சி கொடியை ஏற்றி வைத்து அனைவருக்கும் இனிப்பு வழங்கினார். நிகழ்ச்சியில் 25 பேர் தங்களை கட்சியில் இணைத்துக் கொண்டனர்.

நிகழ்ச்சியில் மாவட்ட மீனவர் அணி செயலாளர் எஸ்.முனியசாமி, முன்னாள் ஒன்றிய செயலாளர் டி.அதிசயராஜ், ஒன்றிய துணை செயலாளர் சேகர், பொருளாளர் கோயில்ராஜ் உள்பட பலர் கலந்து கொண்டனர்.