சத்தியமங்கலம் மார்க்கெட்டில் ஜாதிமல்லி பூ கிலோ ரூ.750-க்கு ஏலம்

புஞ்சைபுளியம்பட்டி

சத்தியமங்கலத்தில் உள்ள கரட்டூர் ரோட்டில் பூ மார்க்கெட் செயல்பட்டு வருகிறது. இந்த மார்க்கெட்டில் நேற்று காலை 7 மணிக்கு பூக்கள் ஏலம் தொடங்கியது. இந்த ஏலத்துக்கு சத்தியமங்கலம் மற்றும் அதன் சுற்றுவட்டார பகுதிகளில் இருந்து ஏராளமான விவசாயிகள் 1 டன் பூக்களை விற்பனைக்காக கொண்டு வந்திருந்தனர்.

இதில் மல்லிகைப்பூ கிலோ ஒன்று ரூ.525-க்கும், முல்லை ரூ.800-க்கும், காக்கடா ரூ.400-க்கும், செண்டுமல்லி ரூ.47-க்கும், பட்டுப்பூ ரூ.68-க்கும் ஜாதிமல்லி ரூ.750-க்கும், கனகாம்பரம் ரூ.420-க்கும், சம்பங்கி ரூ.80-க்கும், அரளி ரூ.90-க்கும், துளசி ரூ.40-க்கும், செவ்வந்தி ரூ.140-க்கும் ஏலம் போனது.