கோவில்பட்டி பள்ளியில்சர்வதேச புலிகள் தின விழிப்புணர்வு நிகழ்ச்சி

கோவில்பட்டி:

கோவில்பட்டி ஐ. சி. எம். நடுநிலை பள்ளியில் சர்வதேச புலிகள் தின விழிப்புணர்வு நிகழ்ச்சி நடைபெற்றது. நிகழ்ச்சிக்கு பள்ளி செயலாளர் நடராஜன் தலைமை தாங்கினார். நாடார் நடுநிலைப்பள்ளி செயலாளர் கண்ணன் முன்னிலை வகித்தார். பள்ளி தலைமை ஆசிரியை ராதா வரவேற்றுப் பேசினார்.

நிகழ்ச்சியில் 100 மாணவர்கள் புலி வேடம் அணிந்து, புலிகள் வாழ்வதற்கு தேவையான வாழ்விடங்களை உருவாக்கிடவும், இயற்கை வளங்களையும், சுற்றுச்சூழலை பாதுகாத்திடவும், புலி மற்றும் அனைத்து வகையான உயிரினங்கள் வாழ்வதற்கு உதவிடவும், புலிகள் வாழ காடுகளை பாதுகாத்திட மாணவர்கள் உறுதிமொழி எடுத்துக் கொண்டனர். நிகழ்ச்சியில் கோவில்பட்டி வனச்சரக வனவர் பிரசன்னா கலந்து கொண்டு விழிப்புணர்வு போட்டிகளில் வெற்றி பெற்றவர்களுக்கு பரிசுகள் வழங்கினார்.

நிகழ்ச்சியில் பள்ளி நிர்வாக குழு உறுப்பினர் சௌந்தர பாண்டியன், சமூக ஆர்வலர் முத்து முருகன், ஆசிரியர்கள் அபிலாதி ரேஸ், சுப்புலட்சுமி, பத்மாவதி, செல்லம்மாள், மற்றும் பெற்றோர்கள் கலந்து கொண்டனர். ஆசிரியர் செல்வகுமார் நன்றி கூறினார். இதனை தொடர்ந்து புலிவேடம் அணிந்த மாணவர்கள் விழிப்புணர்வு பதாகைகளை கையில் ஏந்தி தலைமை ஆசிரியை தலைமையில் ஊர்வலமாக சென்றனர்.