தேனியில்மாவட்ட வளர்ச்சி ஒருங்கிணைப்புக்குழு கூட்டம்

தேனி மாவட்ட வளர்ச்சி ஒருங்கிணைப்பு மற்றும் கண்காணிப்புக் குழு கூட்டம், தேனி மாவட்ட ஊரக வளர்ச்சி முகமை அலுவலக கூட்டரங்கில் நேற்று நடந்தது. கூட்டத்துக்கு தேனி எம்.பி. ப.ரவீந்திரநாத் தலைமை தாங்கினார். மாவட்ட கலெக்டர் ஷஜீவனா முன்னிலை வகித்தார். கூட்டத்தில் மத்திய அரசு நிதியின் மூலம் செயல்படுத்தப்பட்டு வரும் பல்வேறு திட்டப் பணிகள் குறித்தும், அந்த பணிகளின் முன்னேற்றம் குறித்தும் துறை வாரியாக சம்பந்தப்பட்ட அதிகாரிகளுடன் விவாதிக்கப்பட்டு, பணிகளை தொய்வின்றி விரைந்து முடிக்க வேண்டும் என்று பல்வேறு அறிவுரைகளை ப.ரவீந்திரநாத் எம்.பி. வழங்கினர்.

இந்த கூட்டத்தில் பெரியகுளம் எம்.எல்.ஏ. சரவணக்குமார், மாவட்ட ஊராட்சித்தலைவர் பிரிதா, துணைத்தலைவர் ராஜபாண்டி, மாவட்ட வருவாய் அலுவலர் ஜெயபாரதி, ஊரக வளர்ச்சி முகமை திட்ட இயக்குனர் மதுமதி, ஊராட்சிகள் உதவி இயக்குனர் அண்ணாதுரை மற்றும் அரசின் பல்வேறு துறை அலுவலர்கள், உள்ளாட்சி பிரதிநிதிகள் பலர் கலந்து கொண்டனர்.