ஏரலில் இந்திய யூனியன் முஸ்லிம்லீக் இருபெரும் விழா

ஏரல்:

ஏரலில் இந்திய முஸ்லிம்லீக் கொடியேற்று விழா மற்றும் புதிய நிர்வாகிகள் அறிமுக கூட்ட விழா நடந்தது. மாவட்ட தலைவர் மிராஷா மரைக்கார் காந்தி சிலைக்கு மாலை அணிவித்து கொடியேற்றி வைத்தார். அதனைத் தொடர்ந்து நடந்த புதிய நிர்வாகிகள் அறிமுக நிகழ்ச்சிக்கு நகர தலைவர் ரியாஜூதின் தலைமை தாங்கினார். இளைஞரணி துணைச் செயலாளர் நூருல் ஆசிப் வரவேற்று பேசினார். கவுரவ ஆலோசகர் முகமது நகீப் இறை வசனம் ஓதி நிகழ்ச்சியை தொடங்கி வைத்தார். மாவட்ட துணைச் செயலாளர் சாகுல் ஹமீது பாகவி நிகழ்ச்சியை தொகுத்து வழங்கினார். இதில் முன்னாள் எம்.எல்.ஏ.வும், மாநில பொதுச் செயலாளருமான முகமது அபுபக்கர் கலந்து கொண்டு புதிய நிர்வாகிகளை அறிமுகப்படுத்தி பேசினார். நகர செயலாளர் சிந்தா மதார், பொருளாளர் ரிபாய்தீன், மாவட்ட துணைத் தலைவர் முகமது ஹசன், மாவட்ட செயலாளர் மஹ்முதுஹசன், துணைச் செயலாளர்கள் முகமது இஸ்மாயில் புகாரி, சுல்தான், காயல்பட்டணம் நகர தலைவர் நூஹ்சாஹிப், தெற்கு ஆத்தூர் நகர தலைவர் செய்யது அப்பாஸ், வடக்கு ஆத்தூர் நகர தலைவர் சாகுல் ஹமீது, மாவட்ட துணைச் செயலாளர் வாஜீர் அலி, ஏரல் நகர காங்கிரஸ் தலைவர் பாக்கர் அலி மற்றும் ஏரல் மற்றும் சுற்றுவட்டார 10 ஊர் ஜமாத் தலைவர்களும் கலந்து கொண்டனர்.