கணவன்- மனைவி மீது தாக்குதல்

முத்துப்பேட்டை;

முத்துப்பேட்டை அருகே உள்ள அடைஞ்சவிளாகம் கிராமத்தை சேர்ந்தவர் அருணாச்சலம். இவரது சகோதார் சுப்பிரமணியன். இவர்கள் இருவரும் அருகருகே வசித்து வருகின்றனர். இந்தநிலையில் வீட்டின் கொல்லைப்புறத்தை சுத்தமாக வைத்துக்கொள்வது குறித்து அருணாசலத்துக்கும் , சுப்பிரமணியனுக்கும் தகராறு ஏற்பட்டது. இதில் அருணாச்சலத்தையும் அவரது மனைவி பானுமதியையும் சுப்பிரமணியனும் அவரது மனைவி மணிமேகலையும் சேர்ந்து தாக்கியாக கூறப்படுகிறது. இதில் காயமடைந்த அருணாச்சலம் மற்றும் அவரது மனைவி பானுமதி இருவரும் திருத்துறைப்பூண்டி அரசு ஆஸ்பத்திரியில் சேர்க்கப்பட்டு சிகிச்சை பெற்று வருகின்றனர். இதுகுறித்த புகாரின் பேரில் முத்துப்பேட்டை போலீசார் வழக்குப்பதிவு செய்து சுப்பிரமணியனை கைது செய்தனர். மேலும் அவர் மனைவி மணிமேகலையை தேடி வருகின்றனர்.

--