பெண்ணை தாக்கிய கணவர் கைது

சேரன்மாதேவி:

வீரவநல்லூரை அடுத்த வெள்ளாங்குழியை சேர்ந்தவர் முத்துப்பாண்டி (வயது 37). இவருடைய மனைவி காவம்மாள் (29). கருத்து வேறுபாடு காரணமாக இருவரும் கடந்த சில வருடங்களாக பிரிந்து வாழ்ந்து வருகின்றனர்.

இந்நிலையில் நேற்று காவம்மாள் தனது தோழியான பிரேமாவுடன் மோட்டார் சைக்கிளில் வெள்ளாங்குழி மெயின் ரோடு அருகே வந்து கொண்டிருந்தனர். அப்போது அங்கு வந்த முத்துப்பாண்டி அவர்களை வழிமறித்து அவதூறாக பேசி கல்லால் தாக்கி மிரட்டல் விடுத்துள்ளார். இதனை அறிந்த பிரேமாவின் கணவர் வெங்கடேசன், முத்துப்பாண்டியிடம் வந்து தட்டிக் கேட்டார். அப்போது அவரையும் அவதூறாக பேசி கொலை மிரட்டல் விடுத்துள்ளார். இதுகுறித்து காவம்மமாள் கொடுத்த புகாரின் பேரில் வீரவநல்லூர் போலீசார் வழக்குப்பதிவு செய்து முத்துப்பாண்டியை கைது செய்தனர்.