இந்து ஆட்டோ தொழிலாளர்கள் முன்னணி சங்க கூட்டம்

தூத்துக்குடி மாவட்ட இந்து ஆட்டோ தொழிலாளர்கள் முன்னணி சங்க நிர்வாகிகள் கூட்டம் தூத்துக்குடி ஆர்.எஸ்.எஸ். அலுவலகத்தில் நடந்தது. மாநில துணை பொதுச்செயலாளர் சக்திவேல் தலைமை தாங்கினார். கூட்டத்தில் தூத்துக்குடி மாவட்ட அனைத்து பகுதிகளிலும் அதிக அளவில் புதிய உறுப்பினர் சேர்க்கை மற்றும் ஆட்டோ ஸ்டாண்ட் அமைப்பது, மாவட்ட பொதுக்குழுவில் இந்து முன்னணி மாநில பொறுப்பாளர்களை அழைப்பது என்பது உள்பட பல்வேறு தீர்மானங்கள் நிறைவேற்றப்பட்டன.

இதில் மாநில செயற்குழு உறுப்பினர் பி.செல்வகணேஷ், மாவட்ட பொறுப்பாளர்கள் மாரியப்பன், ரவிச்சந்தர், சக்திவேல், சுரேஷ், சுப்புராயலு உள்பட பலர் கலந்து கொண்டனர்.