உயர்கல்வி வழிகாட்டுதல் நிகழ்ச்சி

கடையநல்லூர்:

கடையநல்லூர் லயன்ஸ் மகாத்மா மெட்ரிக் பள்ளியில் 'வானம் வசப்படட்டும்' என்ற தலைப்பில் மாணவர்களுக்கான உயர்கல்வி வழிகாட்டுதல் நிகழ்ச்சி நடைபெற்றது. பள்ளி தாளாளர் அண்ணாதுரை தலைமை தாங்கினார். செயலாளர் சண்முகசுந்தரம், பொருளாளர் மாரியப்பன் ஆகியோர் முன்னிலை வகித்தனர். ஈரோடு மகேஷ் சிறப்புரை ஆற்றினார். மணிமுத்தாறு தமிழ்நாடு சிறப்பு காவல்படை தளபதி காவல் கண்காணிப்பாளர் கார்த்திகேயன் மாணவர்களின் வளர்ச்சி பற்றியும், தன்னம்பிக்கையின் அவசியம் பற்றியும் உரையாற்றினார்.

விழாவில் ஆடிட்டர் நாராயணன், திரிகூடபுரம் பஞ்சாயத்து தலைவர் முத்தையா, சொக்கம்பட்டி போலீஸ் சப்-இன்ஸ்பெக்டர் உடையார் சாமி ஆகியோர் சிறப்பு விருந்தினராக கலந்து கொண்டனர். விழாவிற்கு வருகை புரிந்த அனைவரையும் பள்ளி முதல்வர் ஞா.ராஜ ராஜேஸ்வரி வரவேற்றார். ஆசிரியை ஞானசுந்தரி நன்றி கூறினார்.