சரக்கு ெரயிலில் அடிபட்டு மூதாட்டி சாவு

நன்னிலம்:

திருவாரூர் மாவட்டம் பூந்தோட்டம் அருகே கொத்தவாசல் என்ற இடத்தில் ெரயில்வே தண்டவாளத்தில் 70 வயது மதிக்கத்தக்க மூதாட்டி இறந்து கிடப்பதாக திருவாரூர் ெரயில்வே போலீசாருக்கு தகவல் வந்தது. இதையடுத்து ரெயில்வே போலீஸ் இன்ஸ்பெக்டர் சிவவடிவேல், சப்-இன்ஸ்பெக்டர் தண்டபாணி ஆகியோர் சம்பவ இடத்திற்கு விரைந்து வந்து இறந்தவர் உடலை கைப்பற்றி பிரேத பரிசோதனைக்கு திருவாரூர் அரசு மருத்துவக்கல்லூரி ஆஸ்பத்திரிக்கு அனுப்பி வைத்து விசாரணை நடத்தினர். விசாரணையில் மயிலாடுதுறையிலிருந்து திருவாரூர் நோக்கி சென்ற சரக்கு ெரயிலில் அடிபட்டு மூதாட்டி இறந்தது தெரியவந்தது. இறந்தவர் யார்? எந்த ஊரை சேர்ந்தவர்? என்பது குறித்து போலீசார் வழக்குப்பதிவு செய்து விசாரணை நடத்தி வருகின்றனர்.