பட்டதாரி பெண் திடீர் மாயம்

விழுப்புரம்

விழுப்புரம் கீழ்பெரும்பாக்கம் வாய்க்கால்மேட்டு தெருவை சேர்ந்தவர் பாபு. இவரது மகள் ஆயிஷாபானு(வயது 25). பி.எஸ்சி. பட்டதாரியான இவர் வேலை தேடி வந்துள்ளார்.

இந்நிலையில் நேற்று முன்தினம் புதிய பஸ் நிலையம் பகுதியில் உள்ள ஒரு கடைக்கு வேலைக்கு செல்வதாக கூறி விட்டு சென்ற ஆயிஷாபானு நீண்ட நேரமாகியும் வீடு திரும்பவில்லை. இதனால் அதிர்ச்சி அடைந்த அவரது பெற்றோர் மற்றும் உறவினர்கள் பல்வேறு இடங்களில் தேடியும் அவரை காணவில்லை. பின்னர் இது குறித்து பாபு கொடுத்த புகாரின் பேரில் விழுப்புரம் நகர போலீசார் வழக்குப்பதிவு செய்து விசாரணை நடத்தி வருகின்றனர்.