தங்கம் விலை சவரனுக்கு ரூ.64 உயர்வு

சென்னை,

தமிழகத்தில் தங்கம் விலை கடந்த சில நாட்களாக ஏற்றம் இறக்கம் காணப்பட்டு வருகிறது. இந்த நிலையில் இன்று தங்கம் விலை சற்று அதிகரித்துள்ளது.

அதன்படி, சென்னையில் ஆபரண தங்கத்தின் விலை பவுனுக்கு ரூ.64 உயர்ந்து ரூ.37 ஆயிரத்து 120-க்கு விற்பனை செய்யப்படுகிறது. ஒரு கிராம் ரூ.8 உயர்ந்து 4 ஆயிரத்து 640-க்கு விற்பனை ஆகிறது. கோவை, திருச்சி, வேலூரில் தங்கம் கிராம் ரூ.4,640 ஆக விற்பனை செய்யப்படுகிறது.

அதைபோல சென்னையில் ஒரு கிராம் வெள்ளியின் விலை 30 காசுகள் அதிகரித்து ரூ.62.30-க்கு விற்பனை செய்யப்படுகிறது. ஒரு கிலோ வெள்ளி ரூ.62,300-க்கு விற்பனை செய்யப்படுகிறது.