சங்கரன்கோவில்:
சங்கரன்கோவில் காந்தி நகர் கீழ 4-வது தெருவை சேர்ந்தவர் பெரியசாமி மனைவி முத்துமாரி (வயது 40). நேற்று மாலை புதிய பஸ்நிலையம் அருகே ஆடு மேய்த்தபோது ஆடு கலைந்து ஓடியது. அதனை பிடிப்பதற்காக சென்றபோது எதிரே வந்த கார், முத்துமாரி மீது மோதியது. இதில் சம்பவ இடத்திலேயே முத்துமாரி பரிதாபமாக உயிரிழந்தார். தகவல் அறிந்ததும் சங்கரன்கோவில் டவுன் போலீசார் விரைந்து வந்தனர். முத்துமாரி உடலை கைப்பற்றி பிரேத பரிசோதனைக்காக சங்கரன்கோவில் அரசு ஆஸ்பத்திரிக்கு அனுப்பி வைத்தனர். விபத்து தொடர்பாக சங்கரன்கோவில் எழில் நகரைச் சேர்ந்த சண்முகச்சாமி (50) என்பவரிடம் போலீசார் விசாரணை நடத்தி வருகின்றனர்.