பாவூர்சத்திரத்தில் காமராஜர் சிலைக்கு மாலை அணிவிப்பு

பாவூர்சத்திரம்:

தென்காசி தெற்கு மாவட்ட தி.மு.க. செயலாளராக நியமிக்கப்பட்ட சிவபத்மநாதன் பாவூர்சத்திரத்தில் உள்ள காமராஜர் சிலைக்கு மாலை அணிவித்து மரியாதை செலுத்தினார். தட்சணமாற நாடார் சங்க தலைவர் ஆர்.கே.காளிதாசன், சங்கரன்கோவில் சட்டமன்ற உறுப்பினர் ராஜா, கீழப்பாவூர் ஒன்றிய செயலாளர் சீனித்துரை, கீழப்பாவூர் யூனியன் தலைவி காவேரி மற்றும் ஒன்றிய, நகர, பேரூர், கிளை கழக நிர்வாகிகள், தொண்டர்கள் கலந்து கொண்டனர். இதேபோல் ஆலங்குளத்திலும் சிவபத்மநாதனுக்கு மேளதாளம், வாணவேடிக்கை முழங்க தி.மு.க.வினர் உற்சாக வரவேற்பு அளித்தனர். அம்பை சாலையில் இருந்து பஸ் நிலையம் வரை ஊர்வலமாக வந்தனர். பின்னர் அங்குள்ள காமராஜர் சிலைக்கு அவர் மாலை அணிவித்து மரியாதை செலுத்தினார்.