கஞ்சா விற்றவர் கைது

தூத்துக்குடி நகர துணை போலீஸ் சூப்பிரண்டு சத்தியராஜ் மேற்பார்வையில் தாளமுத்துநகர் இன்ஸ்பெக்டர் (பொறுப்பு) ரபிசுஜின்ஜோஸ் மற்றும் போலீசார் அடங்கிய தூத்துக்குடி நகர உட்கோட்ட தனிப்படை போலீசார் நேற்று முன்தினம் ரோந்து பணியில் ஈடுபட்டனர்.

அப்போது தாளமுத்துநகர் போலீஸ் நிலைய எல்லைக்கு உட்பட்ட மாப்பிள்ளையூரணி காட்டு பகுதியில் சந்தேகத்திற்கிடமான முறையில் நின்று கொண்டிருந்தவரை பிடித்து விசாரணை செய்தனர். அதில் அவர் தூத்துக்குடி அண்ணாநகர் பகுதியைச் சேர்ந்த ஜெயராமன் மகன் பொன்செல்வன் (40) என்பதும், சட்டவிரோதமாக கஞ்சா விற்பனை செய்ததும் தெரியவந்தது.

இதனையடுத்து போலீசார், பொன்செல்வனை கைது செய்தனர். மேலும் அவரிமிருந்து 150 கிராம் கஞ்சா, 2 செல்போன்கள் மற்றும் கத்தி ஆகியவற்றையும் பறிமுதல் செய்தனர். இதுகுறித்து தாளமுத்துநகர் போலீசார் வழக்குப்பதிவு செய்து விசாரணை மேற்கொண்டு வருகின்றனர்.