மாணவர்களுக்கு இலவச சீருடை

கழுகுமலை:

கழுகுமலை அருகே உள்ள சம்பகுளம் ஊராட்சி ஒன்றிய தொடக்கப்பள்ளியில் மாணவ-மாணவிகளுக்கு தமிழக அரசின் இலவச சீருடைகள் வழங்கும் விழா நடைபெற்றது. விழாவிற்கு பள்ளி தலைமை ஆசிரியர் ராமமூர்த்தி தலைமை தாங்கினார். சென்னை ஆஷா தொண்டு நிறுவன ஒருங்கிணைப்பாளர் முருகன் முன்னிலை வகித்தார். சிறப்பு அழைப்பாளராக களப்பாளங்குளம் பஞ்சாயத்து தலைவர் ஜெய்சங்கர் கலந்துகொண்டு மாணவ மாணவிகளுக்கு இலவச சீருடைகளை வழங்கி பேசினார். விழாவில் ஆசிரியர் சுதா ராணி, கணினி பயிற்றுனர் பிரியா மற்றும் பெற்றோர்கள், மாணவ-மாணவிகள் உள்பட பலர் கலந்து கொண்டனர்.