பயனாளிகளுக்கு இலவச கண் கண்ணாடி

இட்டமொழி:

ரூபி மனோகரன் சாரிடபிள் டிரஸ்ட் மற்றும் நெல்லை அகர்வால் கண் மருத்துவமனை இணைந்து இலவச கண் சிகிச்சை முகாம் மற்றும் மக்களைத் தேடி சட்டமன்ற உறுப்பினர் நிகழ்ச்சி கீழநத்தம் ஆர்.சி. சர்ச் பகுதியில் நடைபெற்றது. இதில் கண் பரிசோதனை மற்றும் சிகிச்சை முகாமில் கலந்து கொண்டு கண் பரிசோதனை செய்த பயனாளிகளுக்கு கண் கண்ணாடிகளை தமிழ்நாடு காங்கிரஸ் கமிட்டியின் மாநில பொருளாளரும், நாங்குநேரி சட்டமன்ற உறுப்பினருமான ரூபி மனோகரன் வழங்கினார். நிகழ்ச்சியில் நாங்குநேரி தொகுதி பொறுப்பாளர் அழகியநம்பி, பாளையங்கோட்டை வடக்கு வட்டார காங்கிரஸ் கமிட்டியின் தலைவர் கனகராஜ், மாவட்ட துணை தலைவர் செல்லப்பாண்டி, களக்காடு தெற்கு வட்டார காங்கிரஸ் கமிட்டியின் தலைவர் அலெக்ஸ் ஆகியோர் கலந்து கொண்டனர்.