மின்சாரம் தாக்கி நரிக்குறவர் பலி

வேலூர் மாவட்டம் அணைக்கட்டை அடுத்து ஏரிபுதூர் நரிக்குறவர் பகுதியை சேர்ந்தவர் விஜயன் (வயது 40). இவர், மின்மீட்டர் பகுதியில் இருந்து வெளியே வரும் 'எர்த்' கம்பியை தொட்டதாக தெரிகிறது. உடனே மின்சாரம் தாக்கி தூக்கி வீசப்பட்டார். படுகாயம் அடைந்த அவரை அக்கம் பக்கத்தினர் மீட்டு சிகிச்சைக்காக அணைக்கட்டு அரசு மருத்துவமனைக்கு கொண்டு சென்றனர். அங்கு பரிசோதனை செய்த டாக்டர்கள், அவர் வரும் வழியிலேயே இறந்துவிட்டதாக கூறினர்.

இதுகுறித்து அணைக்கட்டு போலீசார் வழக்குப்பதிவு செய்து விசாரணை நடத்தி வருகின்றனர்.