உடன்குடியில் 139 மாணவர்களுக்கு இலவச சைக்கிள்

உடன்குடி:

உடன்குடி கிறிஸ்தியாநகரம் டி.டி.டி.ஏ. மேல்நிலைப்பள்ளியில் தமிழக அரசின் இலவச சைக்கிள்கள் வழங்கும் விழா நடந்தது. விழாவிற்கு உடன்குடி ஊராட்சி ஓன்றியக்குழு தலைவர் டி.பி.பாலசிங் தலைமை தாங்கி, 139 மாணவர்களுக்கு சைக்கிள்களை வழங்கி பேசினார். பள்ளி தலைமையாசிரியர் விவிங்ஸ்டன் வரவேற்றார். பள்ளி ஆட்சி மன்றக்குழு உறுப்பினர் சாமுவேல், பெற்றோர் ஆசிரியர் கழக தலைவர் ஜான்பாஸ்கர் ஆகியோர் முன்னிலை வகித்தனர். உதவி தலைமையாசிரியர் மைக்கேல் நன்றி கூறினார். தி.மு.க. மாவட்ட பிரதிநிதி ஹீபர், நிர்வாகிகள் கணேசன், கிளார்வின், மோகன் மற்றும் ஆசிரியர்கள், மாணவர்கள் கலந்து கொண்டனர்.

உடன்குடி தேரியூர் ஸ்ரீ ராமகிருஷ்ண சிதம்பரேஸ்வரர் மேல்நிலைப் பள்ளியில் தமிழக அரசின் இலவச சைக்கிள்கள் வழங்கும் விழா நடைபெற்றது. உடன்குடி யூனியன் தலைவர் டி.பி.பாலசிங் தலைமை தாங்கி 66 மாணவ-மாணவிகளுக்கு சைக்கிள்களை வழங்கினார். பள்ளி முன்னாள் மாணவர் சங்க தலைவர் ஜீவானந்தம் ஆகியோர் முன்னிலை வகித்தனர். பள்ளி தலைமையாசிரியர் விங்கேஸ்வரன் வரவேற்றார். தி.மு.க. மாவட்ட சார்பு அணி துணை அமைப்பாளர் ஷேக் முகம்மது, நிர்வாகி மோகன், ஒன்றிய இளைஞரணி அமைப்பாளர் பயஸ் உள்பட பலர் கலந்துகொண்டனர். ஆசிரியை ராஜதிலகவதி நன்றி கூறினார்.