டாஸ்மாக் கடையில் பறக்கும் படையினர் திடீர் சோதனை

திண்டிவனம்

திண்டிவனம் மேம்பாலத்துக்கு கீழ் உள்ள டாஸ்மாக் கடையில் வெளிமாநில மற்றும் போலி மதுபானங்கள் விற்பனை நடைபெறுவதாக புகார் வெளியானது. இதையடுத்து சென்னை மண்டல டாஸ்மாக் அலுவலகத்தின் மாவட்ட மேலாளர்(பறக்கும்படை) சத்தியன் தலைமையில் 4 பேரை கொண்ட குழுவினர் நேற்று திண்டிவனம் டாஸ்மாக் கடையில் திடீர் சோதனை மேற்கொண்டனர். அப்போது கடையின் மேற்பார்வையாளர் வெங்கடேசன், விற்பனையாளர் செல்வகுமார் ஆகியோர் உடன் இருந்தனர். மதியம் 3 மணி முதல் இரவு 10 மணிவரை சுமார் 6 மணி நேரம் நடைபெற்ற சோதனையில் போலி மற்றும் வெளிமாநில மதுபாட்டில்கள் எதுவும் சிக்கவில்லை என கூறப்படுகிறது.