எட்டயபுரம் அரசு மகளிர் பாலிடெக்னிக் கல்லூரியில் முதலாம் ஆண்டு மாணவியர் சேர்க்கை

எட்டயபுரம்:

எட்டயபுரம் பாரதியார் நூற்றாண்டு நினைவு அரசு மகளிர் பாலிடெக்னிக் கல்லூரி முதல்வர் பேபிலதா விடுத்துள்ள செய்திக்குறிப்பில் கூறியிருப்பதாவது:-

எட்டயபுரம் பாரதியார் நூற்றாண்டு நினைவு அரசு மகளிர் பாலிடெக்னிக் கல்லூரியில் 2022-23-ம் கல்வியாண்டுக்கான முதலாம் ஆண்டு மற்றும் நேரடி 2-ம் ஆண்டுக்கான மாணவியர் சேர்க்கை நடைபெற்று வருகிறது. முதலாம் ஆண்டு மாணவியர் சேர்க்கைக்கான கல்வி தகுதி 10-ம் வகுப்பு தேர்ச்சியாகும். 2-ம் ஆண்டு நேரடி சேர்க்கைக்கான கல்வி தகுதி 12-ம் வகுப்பு அல்லது ஐ.டி.ஐ. தேர்ச்சியாகும். இந்த படிப்புகளுக்கு https://www.tnpoly.in என்ற இணையதள முகவரியில் விண்ணப்பிக்கலாம். முதலாம் ஆண்டு சேர்க்கை கடந்த 23-ந்தேதி முதல் நடந்து வருகிறது. 2-ம் ஆண்டு நேரடி மாணவியர் சேர்க்கை ஜூலை 7-ந் தேதி தொடங்குகிறது. கல்லூரி எண் 178 ஆகும். விண்ணப்ப பதிவு கட்டணம் ரூ.150. இதனை கிரடிட், டெபிட் கார்டு மற்றும் இணையதள வங்கி சேவை மூலம் செலுத்தலாம். எஸ்.சி., எஸ்.டி மாணவியர்களுக்கு விண்ணப்ப பதிவு கட்டணம் கிடையாது.

இங்கு எந்திரவியல் துறை, மின்னியல் மற்றும் மின்னணுவியல் துறை, மின்னணுவியல் மற்றும் தொடர்பியல் துறை, கருவியியல் மற்றும் கட்டுப்பாட்டு துறை, கணினிப்பொறியியல் துணை, ஆடை தொழில்நுட்பவியல் துணை ஆகிய பாடப்பிரிவுகள் உள்ளன.

இணையதளம் மூலம் விண்ணப்பிக்க இயலாத மாணவிகள் கல்லூரிக்கு நேரில் வந்து மாவட்ட சேவை மையத்தில் (மைய எண்.103) விண்ணப்பிக்க ஏற்பாடு செய்யப்பட்டுள்ளது. மேலும் தகவல்கள் பெற 04632-271238 என்ற எண்களில் தொடர்பு கொள்ளலாம்,இவ்வாறு அவர் தெரிவித்துள்ளார்.