கொசவப்பட்டி அருகே மோட்டார் சைக்கிள்கள் மோதியதில் பெண் பலி

நத்தத்தை சேர்ந்தவர் சந்திரா (வயது 52). நேற்று இவர் தனது உறவினரான மணி என்பவருடன் நத்தத்திலிருந்து திண்டுக்கல் நோக்கி மோட்டார் சைக்கிளில் வந்து கொண்டிருந்தார். கொசவப்பட்டி அரசு மருத்துவமனை அருகே வந்தபோது எதிரில் திண்டுக்கல் மேட்டுப்பட்டியை சேர்ந்த பைசல்ரகுமான் என்பவர் ஓட்டி வந்த மோட்டார் சைக்கிள், அவர்கள் மோட்டார் சைக்கிள் மீது மோதியது. இதில் பலத்த காயமடைந்த சந்திரா சம்பவ இடத்திலேயே பலியானார். காயமடைந்த பைசல்ரகுமானை அக்கம்பக்கத்தினர் மீட்டு சிகிச்சைக்காக திண்டுக்கல் அரசு மருத்துவமனையில் சேர்த்தனர். இதுகுறித்து சாணார்பட்டி போலீஸ் சப்-இன்ஸ்பெக்டர் சிராஜீதீன் விசாரணை நடத்தி வருகிறார்.