காரில் இருந்த பெண் மாயம்

தேன்கனிக்கோட்டை:

தேன்கனிக்கோட்டை அடுத்த பி.தண்டரகுண்டா பகுதியை சேர்ந்தவர் ஜெயசங்கர் (வயது 31). இவர் அமெரிக்காவில் சாப்ட்வேர் என்ஜினீயராக பணிபுரிந்து வருகிறார். விடுமுறையில் ஊருக்கு வந்த அவர் நேற்று முன்தினம் தனது மனைவி ரோஜாவுடன் காரில் சென்றுள்ளார். ஓசூர் பி.எஸ்.என்.எல். அலுவலகம் அருகில் காரை நிறுத்திவிட்டு பேக்கரியில் இனிப்பு வாங்க சென்றுள்ளார். திரும்பி வந்து பார்த்தபோது ரோஜாவை காணவில்லை. அவரை எங்கு தேடியும் கிடைக்கவில்லை. இதுகுறித்து ஜெயசங்கர் கொடுத்த புகாரின் பேரில் ஓசூர் டவுன் போலீசார் விசாரித்து வருகின்றனர்.