மயிலாடுதுறை மாவட்டம், கொள்ளிடம் எருக்கூர் ரயில் தண்டவாளத்திற்கு அருகே உள்ள வயல் ஒன்றில் சுமார் 40 வயது மதிக்கத்தக்க பெண் ஒருவரின் உடல் அழுகிய நிலையில் கிடந்தது. இதுகுறித்து அப்பகுதியில் உள்ளவர்கள் போலீசாருக்கு தகவல் தெரிவித்தனர். அதன்பேரில், சீர்காழி துணை போலீஸ் சூப்பிரண்டு லாமேக் மற்றும் கொள்ளிடம் போலீசார் சம்பவ இடத்திற்கு விரைந்து சென்று இறந்த பெண்ணின் உடலை மீட்டு பிரேத பரிசோதனைக்காக சீர்காழி அரசு ஆஸ்பத்திரிக்கு அனுப்பி வைத்தனர். அந்த பெண் யார்?, எந்த ஊரை சேர்ந்தவர்?, அவர் கொலை செய்யப்பட்டாரா? அல்லது தற்கொலை செய்து கொண்டாரா? என்பது குறித்து கொள்ளிடம் போலீசார் விசாரணை நடத்தி வருகின்றனர்.