பாம்பு கடித்து விவசாயி பலி

தூசி

வெம்பாக்கம் தாலுகா தூசி அருகே உள்ள சிறுநல்லூர் கிராமம் பஜனை கோவில் தெருவை சேர்ந்தவர் முனுசாமி (வயது 54), விவசாயி.

இவர் நேற்று இரவு நிலத்திற்கு தண்ணீர் பாய்ச்சிவிட்டு வீட்டுக்கு வந்து கொண்டிருந்தார். அப்போது அவரை பாம்பு கடித்தது. பின்னர் அவர் வீட்டிற்கு வந்து வாயில் நுரை தள்ளியபடி மயங்கி கீழே விழுந்தார்

இதை பார்த்த அவரது மகன் அருண்பாண்டியன் ஆம்புலன்ஸ் மூலம் காஞ்சீபுரம் அரசு மருத்துவமனையில் சேர்த்தார். பின்னர் மேல்சிகிச்சைக்காக செங்கல்பட்டு அரசு மருத்துவமனையில் அனுமதிக்கப்பட்டார்.

அங்கு சிகிச்சை பலனின்றி அவர் பரிதாபமாக இறந்தார்.

இதுகுறித்து தூசி போலீஸ் சப்-இன்ஸ்பெக்டர் சுரேஷ்பாபு வழக்குப்பதிவு செய்து விசாரணை நடத்தி வருகிறார்.