வள்ளியூர் (தெற்கு):
முன்னாள் பிரதமர் ராஜீவ் காந்தி பிறந்த நாளை முன்னிட்டு வள்ளியூர் வட்டார, நகர காங்கிரஸ் கமிட்டி, நாகர்கோவில் பெஜான்சிங் கண் மருத்துவமனை மற்றும் நெல்லை மாவட்ட பார்வை இழப்பு தடுப்பு சங்கம் இணைந்து கண் மருத்துவ முகாமை வள்ளியூரில் நடத்தியது. நெல்லை கிழக்கு மாவட்ட காங்கிரஸ் கமிட்டி தலைவர் கே.பி.கே.ஜெயக்குமார் தலைமையில் சட்டமன்ற தொகுதி பொறுப்பாளர் வால்டர் எட்வர்ட், வள்ளியூர் வட்டார காங்கிரஸ் தலைவர் அருள் தாஸ், சீயோன்மலை கிராம காங்கிரஸ் கமிட்டி தலைவர் ஆல்பர்ட், கோவன்குளம் பஞ்சாயத்து தலைவர் பாஸ்கர், சீயோன்மலை ஸ்டீபன் ஆகியோர் ெதாடங்கி வைத்தனர். மாவட்ட சட்ட ஆலோசகர் லூர்து வில்சன், வள்ளியூர் நகர காங்கிரஸ் தலைவர் பொன் பாண்டி, மாநில விவசாய காங்கிரஸ் செயலாளர் அந்தோணி வில்பர்ட் ஆகியோர் கலந்துகொண்டனர்.
* வள்ளியூர் பழைய பஸ் நிலையம் முன்பு காங்கிரஸ் கட்சி சார்பில் காமராஜர் பிறந்தநாள் விழா, ராஜீவ் காந்தி பிறந்தநாள் விழா, ராகுல் காந்தி மீண்டும் எம்.பி.யாக பதவியேற்ற விழா ஆகிய முப்பெரும் விழா நடந்தது. நிகழ்ச்சியில் மாநில சேவாதளம் காங்கிரஸ் தலைவர் விஜயன், மாநில காங்கிரஸ் கமிட்டி செயலாளர் ஜோதி மற்றும் நிர்வாகிகள் கலந்துகொண்டனர். தொடர்ந்து பல்வேறு நலத்திட்ட உதவிகள் வழங்கப்பட்டது.