இ.எஸ்.ஐ. குறை தீர்க்கும் முகாம்

இ.எஸ்.ஐ. குறை தீர்க்கும் அதிகாரியும், துணை இயக்குனருமான (பொறுப்பு) கிருஷ்ணகுமார் வெளியிட்டுள்ள செய்திக்குறிப்பில் கூறிஇருப்பதாவது:-

தொழிலாளர் அரசு காப்பீட்டு கழகம் (இ.எஸ்.ஐ) நெல்லை துணை மண்டலம் சார்பில் இ.எஸ்.ஐ. திட்டத்தில் உள்ள பயனீட்டாளர்களுக்கு ஏதாவது குறை இருந்தால், அதை நிவர்த்தி செய்ய மாதந்தோறும் குறை தீர்க்கும் முகாம் நடத்தப்பட்டு வருகிறது. அதன்படி இந்த மாதத்துக்கான குறை தீர்க்கும் முகாம் வருகிற 14-ந்தேதி (புதன்கிழமை) மாலை 4 மணிக்கு நெல்லை வண்ணார்பேட்டையில் உள்ள துணை மண்டல அலுவலகத்தில் நடைபெறுகிறது.

முகாமில் இ.எஸ்.ஐ.சி. ஆஸ்பத்திரி சூப்பிரண்டு, துணை மண்டல அலுவலக பொறுப்பு அதிகாரி மற்றும் மருத்துவ அதிகாரிகள் கலந்து கொள்கிறார்கள். எனவே இ.எஸ்.ஐ. பயனீட்டாளர்கள் குறைகள் இருந்தால் இந்த முகாமில் கலந்து கொண்டு குறைகளை தெரிவித்து நிவர்த்தி செய்து கொள்ளலாம். இவ்வாறு அவர் கூறிஉள்ளார்.