சுற்றுச்சூழல் விழிப்புணர்வு பேரணி

கடையநல்லூர்:

கடையநல்லூரில் வனத்துறை சார்பில் சுற்றுச்சூழல் வாழ்க்கை முறைக்கான இயக்கப் பேரணி நடந்தது. கடையநல்லூர் வனச்சரக அலுவலர் சுரேஷ் தலைமை தாங்கினார். கடையநல்லூர் நகராட்சி சுகாதார அலுவலர் பாஸ்கர் முன்னிலை வகித்தார். போலீஸ் இன்ஸ்பெக்டர் ராஜா கொடியசைத்து பேரணியை தொடங்கி வைத்தார். இந்த பேரணி நகராட்சி அலுவலகத்தில் இருந்து புறப்பட்டு அரசு மருத்துவமனை, மெயின் ரோடு வழியாக சென்று அரசு ஆண்கள் மேல்நிலைப்பள்ளியில் முடிவடைந்தது.

பேரணியில் கடையநல்லூர் பிரிவு வனவர் முருகேசன், சிறப்பு பணி வனவர் ரவீந்திரன் மற்றும் வனக்காப்பாளர்கள் ராமச்சந்திரன், மகாதேவன், அய்யாத்துரை, பத்மாவதி, சுகந்தி, முத்துசாமி மற்றும் நகராட்சி முன்களப்பணியாளர்கள் கலந்து கொண்டனர்.