தீ விபத்தில் காயமடைந்த முதியவர் சாவு

திருவட்டார்:

திருவட்டார் அருகே உள்ள செங்கோடி குமரன்குடி மங்காடு பகுதியை சேர்ந்தவர் செல்வராஜ் (வயது 70). இவர் குமரன் குடி பகுதியில் டீ கடை நடத்தி வந்தார். சம்பவத்தன்று கடையில் டீ போட கியாஸ் அடுப்பை பற்ற வைத்த போது எதிர்பாராத விதமாக செல்வராஜ் மீது தீப்பிடித்து படுகாயம் அடைந்தார். அவரை நாகர்கோவில் ஆசாரிபள்ளம் அரசு ஆஸ்பத்திரியில் சேர்த்தனர். அங்கு தீவிர சிகிச்சை அளித்தும் பலனின்றி நேற்று செல்வராஜ் பரிதாபமாக இறந்தார்.

இதுகுறித்த புகாரின்பேரில் திருவட்டார் போலீசார் வழக்குப்பதிவு செய்து விசாரணை நடத்தி வருகிறார்கள். செல்வராஜூக்கு 2 மகள்களும், ஒரு மகனும் உள்ளனர்.