பஸ் மோதி முதியவர் சாவு

ஆலங்குளம், 

ஆலங்குளம் அருகே உள்ள மேலாண்மறைநாடு கிராமத்தை சேர்ந்தவர் அய்யாக்கண்ணு (வயது67). இவர் தனது மகன் ஆரோக்கியத்தை ராஜபாளையம் ஆஸ்பத்திரிக்கு சிகிச்சைக்காக அழைத்து சென்றார். பின்னர் ராஜபாளையத்திலிருந்து மேலாண்மறைநாடு கிராமத்திற்கு அரசு பஸ்சில் வந்தார். அப்போது அவர் பஸ்சில் இருந்து இறங்கினார். இதையடுத்து அவர் அதே பஸ்சின் பின்னால் நின்று கொண்டு இருந்தார். அந்தநேரத்தில் டிரைவர் பஸ்சை பின்னோக்கி நகர்த்திய போது அய்யாக்கண்ணு நிலை தடுமாறி பஸ்சின் சக்கரத்தில் சிக்கி சம்பவ இடத்திலேயே பரிதாபமாக இறந்தார். இதுகுறித்து தகவல் அறிந்த ஆலங்குளம் சப்-இன்ஸ்பெக்டர் பாபு சம்பவ இடத்திற்கு விரைந்து சென்று அய்யாக்கண்ணுவின் உடலை கைப்பற்றி சிவகாசி அரசு ஆஸ்பத்திரிக்கு பரிசோதனைக்காக அனுப்பி வைத்தனர். இந்த சம்பவம் குறித்து போலீசார் விசாரணை நடத்தி வருகின்றனர்.