விஷம் குடித்து முதியவர் தற்கொலை

பெரியகுளம் வடகரை வி.ஆர்.பி. நாயுடு தெருவை சேர்ந்தவர் கடற்கரை (வயது 79). பெரியகுளம் புதிய பஸ் நிலையத்தில் சுவீட் கடை வைத்துள்ளார். கடந்த சில நாட்களாக இவர், கடையில் சரியாக வியாபாரம் இ்ல்லாததால் வீட்டில் புலம்பி கொண்டு இருந்ததாக தெரிகிறது. மேலும் தனது கடைசி மகனுக்கு திருமணம் ஆகாததால் மன வருத்தத்தில் இருந்துள்ளார்.

இந்நிலையில் நேற்று முன்தினம் கடற்கரை வீட்டில் இருந்து ெவளியே சென்றார். பின்னர் வீடு திரும்பவில்லை. இதற்கிடையே தாமரைக்குளம்-வடுகப்பட்டி பைபாஸ் சாலையில் தனியார் தோட்டம் அருகே விஷம் குடித்து இறந்து கிடந்துள்ளார். இதுகுறித்து தகவலறிந்த தென்கரை போலீசார் சம்பவ இடத்திற்கு சென்று அவரது உடலை கைப்பற்றி பிரேத பரிசோதனைக்காக பெரியகுளம் அரசு மருத்துவமனைக்கு அனுப்பி வைத்தனர். மேலும் போலீசார் வழக்குப்பதிவு செய்து விசாரணை நடத்தி வருகின்றனர்.