பாலிடெக்னிக் கல்லூரி மாணவர்களின் விடைத்தாள் திருத்தும் பணி

பாலிடெக்னிக் கல்லூரிகளில் கடந்த கல்வியாண்டில் தேர்வு எழுதிய மாணவ-மாணவிகளின் விடைத்தாள் திருத்தும் பணி நடைபெற்று வருகிறது. தென்காசி அருகே ஆய்க்குடியில் உள்ள செந்திலாண்டவர் பாலிடெக்னிக் கல்லூரி மையத்தில் தென்காசி, நெல்லை, தூத்துக்குடி, கன்னியாகுமரி, விருதுநகர் ஆகிய 5 மாவட்டங்களில் உள்ள சுமார் 100 பாலிடெக்னிக் கல்லூரிகளில் படிக்கும் மாணவ-மாணவிகளின் விடைத்தாள் திருத்தும் பணி நடைபெற்று வருகிறது. இந்த பணி நேற்று முன்தினம் தொடங்கியது. மொத்தம் 14 ஆயிரத்து 700 விடைத்தாள்கள் திருத்தப்படுகின்றன. இந்த பணியில் மொத்தம் 95 ஆசிரியர்கள் ஈடுபட்டு வருகின்றனர். இந்த பணி வருகிற 30-ந் தேதி வரை நடைபெறுகிறது.