மதுபோதையில் தவறி விழுந்த தொழிலாளி சாவு

ஓசூர்:-

ஜார்கண்ட் மாநிலத்தைச் சேர்ந்தவர் பிட்டு என்கிற நாது கிஷோர்குமார் (வயது 28). இவர் ஓசூர் அலசநத்தம் பகுதியில் தங்கி வேலை தேடிக் கொண்டிருநதார். இவருக்கு மது குடிக்கும் பழக்கம் இருந்தது. சம்பவத்தன்று மது குடித்து விட்டு சீதாராம்மேடு அருகில் சென்ற போது தவறி விழுந்தார். இதில் காயம் அடைந்த பிட்டுவை அருகில் இருந்தவர்கள் மீட்டு சிகிச்சைக்காக ஓசூர் அரசு ஆஸ்பத்திரியில் சேர்த்தனர். பிறகு மேல் சிகிச்சைக்காக தர்மபுரி அரசு ஆஸ்பத்திரியில் அனுமதிக்கப்பட்ட அவர் சிகிச்சை பலனின்றி இறந்தார். இது குறித்து ஓசூர் அட்கோ போலீசார் விசாரணை நடத்தினர்.