வாகனம் மோதி தி.மு.க. பிரமுகர் பலி; 4 பேர் காயம்

திருச்சி சுப்பிரமணியபுரம் வள்ளுவர் நகரை சேர்ந்தவர் கணேசன் (வயது 55). இவர் மாநகராட்சி 48-வது வார்டு தி.மு.க. பிரதிநிதியாக இருந்து வந்தார். இவர் நேற்று முன்தினம் மணப்பாறையில் தி.மு.க. சார்பில் நடைபெற்ற ஐம்பெரும் விழாவில் பங்கேற்க திருச்சியில் இருந்து மோட்டார் சைக்கிளில் சென்றுள்ளார். அப்போது அவர் திருச்சி அருகே உள்ள பஞ்சப்பூர் பகுதியில் வந்தபோது, அவருக்கு பின்னால் வந்த அடையாளம் தெரியாத வாகனம் மோதி விட்டு சென்றது. இதில் அவருக்கு தலையில் பலத்த காயம் ஏற்பட்டது. மேலும் அந்த வாகனம் வேளாங்கண்ணிக்கு பாதயாத்திரையாக சென்ற பக்தர்கள் மீது மோதியதில் 4 பேர் காயம் அடைந்தனர்.

சாவு

இதனை பார்த்த அக்கம் பக்கத்தினர் அவர்களை மீட்டு, திருச்சி அரசு மருத்துவமனையில் சேர்த்தனர். அங்கு சிகிச்சை பலனின்றி கணேசன் உயிரிழந்தார். இந்த விபத்து குறித்து தெற்கு போக்குவரத்து புலனாய்வு பிரிவு போலீசார் வழக்குப்பதிவு செய்து விசாரணை நடத்தி வருகின்றனர்.