தி.மு.க. உறுப்பினர் சேர்க்கை முகாம்

திருவெண்காடு:

திருவெண்காட்டில், சீர்காழி கிழக்கு ஒன்றிய தி.மு.க. சார்பில் புதிய உறுப்பினர் சேர்க்கை முகாம் தொடக்க நிகழ்ச்சி நடந்தது. நிகழ்ச்சிக்கு கிழக்கு ஒன்றிய தி.மு.க. செயலாளர் பஞ்சுகுமார் தலைமை தாங்கினார். தலைமை செயற்குழு உறுப்பினர் முத்து மகேந்திரன், ஒன்றிய குழுத்தலைவர் கமல ஜோதி தேவேந்திரன் ஆகியோர் முன்னிலை வகித்தனர். அவைத்தலைவர் நெடுஞ்செழியன் வரவேற்றார். இதில் சுற்றுசூழல் மற்றும் காலநிலை மாற்றத் துறை அமைச்சர் மெய்யநாதன் கலந்து கொண்டு கட்சி உறுப்பினர் சேர்க்கை படிவங்களை வழங்கினார். இதில் எம்.எல்.ஏக்கள் பன்னீர்செல்வம், நிவேதா முருகன், பொதுக்குழு உறுப்பினர் கென்னடி, தி.மு.க. ஒன்றிய நிர்வாகிகள் உதயராணி உத்தர மூர்த்தி, தமிழரசன், சுதாகர் உள்ளிட்ட திரளான கட்சியினர் கலந்து கொண்டனர். முடிவில் ஒன்றிய துணைச் செயலாளர் ரவிச்சந்திரன் நன்றி கூறினார்.