தி.மு.க. உறுப்பினர் சேர்க்கை முகாம்

பாபநாசம்:

பாபநாசம் சட்டமன்ற தொகுதியில் ராஜகிரி ஊராட்சியில் தி.மு.க உறுப்பினர் சேர்க்கை முகாம் நடைபெற்றது. முகாமிற்கு பாபநாசம் தெற்கு ஒன்றிய செயலாளர் நாசர் தலைமை தாங்கினார். மாவட்ட துணை செயலாளர் கோவி.அய்யராசு முன்னிலை வகித்தனர். ராஜகிரி ஊராட்சி மன்ற தலைவர் சமீமா பர்வீன் முபாரக் உசேன் வரவேற்றார். பாபநாசம் சட்டமன்ற தொகுதி பார்வையாளரும், தாட்கோ தலைவருமான மதிவாணன் கலந்துகொண்டு படிவங்களை வழங்கி தொடங்கி வைத்தார். இதில் ஒன்றிய துணை செயலாளர் ஜெயந்தி ரவிச்சந்திரன், மாவட்ட மீனவரணி அமைப்பாளர் புகழேந்தி, முன்னாள் ராஜகிரி ஊராட்சி மன்ற துணை தலைவர் அஷ்ரப் அலி மற்றும் மாவட்ட, ஒன்றிய, பேரூர் நிர்வாகிகள், வார்டு செயலாளர்கள், உள்ளாட்சி பிரதிநிதிகள், சார்பணி நிர்வாகிகள் உள்பட பலர் கலந்து கொண்டனர்.