தி.மு.க. வாக்குச்சாவடி முகவர்கள் கூட்டம்

சங்கரன்கோவில்:

தென்காசி வடக்கு மாவட்ட தி.மு.க. சார்பில் சங்கரன்கோவில் மேலரத வீதியில் உள்ள திருமண மண்டபத்தில் சங்கரன்கோவில் தெற்கு ஒன்றியம் மற்றும் சங்கரன்கோவில் நகர பாக முகவர்கள் கூட்டம் நடந்தது. சங்கரன்கோவில் தெற்கு ஒன்றிய செயலாளர் லாலா சங்கர பாண்டியன் தலைமை தாங்கினார். நகர செயலாளர் பிரகாஷ் வரவேற்றார். மாவட்ட துணை செயலாளர் புனிதா முன்னிலை வகித்தனர்.

இதில் கலந்து கொண்ட தென்காசி வடக்கு மாவட்ட செயலாளர் ராஜா எம்.எல்.ஏ. வருகிற 17-ந் தேதி முதல்-அமைச்சர் தலைமையில் ராமநாதபுரத்தில் நடைபெறும் பாக முகவர்கள் பயிற்சி பாசறை கூட்டத்தில் அனைவரும் தவறாது கலந்து கொள்ள வேண்டும் என பேசினார்.

கூட்டதில் மாவட்ட மாணவர் அணி அமைப்பாளர் உதயகுமார், மாவட்ட ஆதிதிராவிடர் அணி அமைப்பாளர் கே.எஸ்.எஸ்.மாரியப்பன், மாவட்ட தொண்டர் அணி அமைப்பாளர் அப்பாஸ், மாவட்ட இளைஞரணி துணை அமைப்பாளர் ராஜ், வெங்கடேஷ், அபூபக்கர், ஒன்றிய அவைத்தலைவர் நடராஜன், ஒன்றிய துணைத் தலைவர் வைரமுத்து மற்றும் சங்கரன்கோவில் தெற்கு ஒன்றியத்தைச் சேர்ந்த 64 பாக முகவர்கள், சங்கரன்கோவில் நகரத்தை சேர்ந்த 45 பாக முகவர்கள் உள்ளிட்ட பலர் கலந்து கொண்டனர்.