தினத்தந்தி புகார் பெட்டி: மக்கள் குறைகள் தொடர்பான பதிவுகள்

சாய்ந்து நிற்கும் மின்கம்பம்

சிவகங்கை மாவட்டம் விளாங்குளம் முதல் புதூர் செல்லும் சாலையில் உள்ள சில மின்கம்பங்கள் சாய்ந்தவாறு உள்ளது. இதனால் அவ்வழியே செல்லும் பொதுமக்களும், வாகன ஓட்டிகளும் அச்சத்துடனேயே சென்று வருகின்றனர். எனவே இதனை சீரமைக்க சம்பந்தப்பட்ட அதிகாரிகள் நடவடிக்கை எடுக்க வேண்டும்.

பூபதி, இளையான்குடி.

சாலையில் சுற்றித்திரியும் கால்நடைகள்

சிவகங்கை மாவட்டம் திருப்புவனம் மற்றும் சுற்றுவட்டார பகுதிகளில் கால்நடைகள் சாலைகளில் அதிகம் சுற்றித்திரிகின்றன. இதனால் போக்குவரத்திற்கு இடையூறு ஏற்படுவதுடன் அடிக்கடி விபத்துகளும் நடக்கிறது. இதுகுறித்து அதிகாரிகள் நடவடிக்கை எடுப்பார்களா?

திருமலைகுமார், திருப்புவனம்.

பயிர்கள் சேதம்

சிவகங்கை மாவட்டம் திருப்பாச்சேத்தி மற்றும் சுற்றுவட்டார பகுதிகளில் சுமார் 250 ஏக்கருக்கும் அதிகமான பரப்பளவில் கரும்பு விவசாயம் செய்துள்ளனர். இந்த விளைநிலங்களில் அவ்வப்போது காட்டுப்பன்றிகள் புகுந்து கரும்புகளை சேதப்படுத்துகின்றன. இதனால் விவசாயிகளுக்கு நஷ்டம் ஏற்படுகிறது. அதிகாரிகள் நடவடிக்கை எடுக்க வேண்டும்.

சிவா,திருப்பாச்சேத்தி.

வாகன ஓட்டிகள் அவதி

சிவகங்கை மாவட்டம் காரைக்குடி நகர் பகுதியில் சிலர் வாகனங்களை போக்குவரத்திற்கு இடையூறு ஏற்படுத்தும் வகையில் நிறுத்தி செல்கின்றனர். இதனால் வாகன ஓட்டிகள் சிரமப்படுகின்றனர். இதனால் அவ்வப்போது போக்குவரத்து நெரிசலும் ஏற்படுகிறது. எனவே இதுகுறித்து நடவடிக்கை எடுக்க வேண்டும்.

மாரிமுத்து, காரைக்குடி.

நடவடிக்கை எடுப்பார்களா?

சிவகங்கை மாவட்டம் வாணியங்காடு பஞ்சாயத்தை சேர்ந்த பில்லத்தியேந்தல் கிராமத்தில் விவசாய தேவைகளுக்காக பயன்படுத்தப்படும் மடையானது சேதமடைந்து உள்ளது. இதனால் விவசாயிகள் சிரமப்படுகின்றனர். எனவே இந்த மடையை சீரமைக்க அதிகாரிகள் நடவடிக்கை எடுப்பார்களா?

முத்துராம், தேவகோட்டை.