தர்மபுரியில் விபத்தில் பிளஸ்-2 மாணவர் பலி

தர்மபுரி மதிகோன்பாளையம் பகுதியை சேர்ந்தவர் மாதையன். இவருடைய மகன் குருசரண் (வயது 17). பிளஸ்-2 மாணவர். இவர் பள்ளிக்கு சைக்கிளில் சென்று கொண்டிருந்தார். எஸ்.வி.ரோடு பகுதியில் சென்றபோது அந்த வழியாக வந்த ஒரு ஆட்டோ அவர் மீது மோதியது. இதில் காயமடைந்த குருசரணை அந்த பகுதியில் இருந்தவர்கள் மீட்டு தனியார் ஆஸ்பத்திரியில் சேர்த்தனர். பின்னர் தர்மபுரி அரசு ஆஸ்பத்திரியில் சேர்த்தனர். இந்த நிலையில் குருசரண் சிகிச்சை பலனின்றி பரிதாபமாக உயிரிழந்தார். இதுகுறித்து தர்மபுரி டவுன் போலீசார் வழக்குப்பதிவு செய்து விசாரணை நடத்தி வருகின்றனர்.