கல்லாவி அருகே விபத்தில் இளம்பெண் பலி

ஊத்தங்கரை:

ஊத்தங்கரை தாலுகா கல்லாவி மஜீத் தெருவை சேர்ந்தவர் கமால் பாஷா. இவருடைய மகள் ஜாஸ்மின் (வயது 24). இவர் கடந்த 15-ந் தேதி ஸ்கூட்டரில் கல்லாவி- படவனூர் கேட் சாலையில் புதூர் அருகில் சென்று கொண்டிருந்தார். அப்போது எதிர்பாராதவிதமாக ஸ்கூட்டர் கவிழ்ந்து விபத்துக்குள்ளானது. இதில் பலத்த காயம் அடைந்த ஜாஸ்மினை அருகில் இருந்தவர்கள் மீட்டு சிகிச்சைக்காக ஊத்தங்கரை அரசு ஆஸ்பத்திரியில் சேர்த்தனர். பின்னர் அவர் மேல் சிகிச்சைக்காக தர்மபுரி அரசு ஆஸ்பத்திரியில் அனுமதிக்கப்பட்டார். அங்கு சிகிச்சை பலனின்றி ஜாஸ்மின் இறந்தார். இந்த விபத்து குறித்து கல்லாவி போலீசார் விசாரணை நடத்தி வருகின்றனர்.