திருக்குறள் ஒப்புவிக்கும் போட்டியில் பரிசு பெற்ற பள்ளி மாணவ-மாணவிகள் விவரம்

திருக்குறள் ஒப்புவிக்கும் போட்டியில் பரிசு பெற்ற பள்ளி மாணவ-மாணவிகள் விவரம் தெரிவிக்கப்பட்டுள்ளது.

பாராட்டு சான்றிதழ்

தமிழ் வளர்ச்சித் துறையில் "திருக்குறள் முற்றோதல் பாராட்டுப் பரிசு" எனும் திட்டத்தின்கீழ் திருக்குறளில் உள்ள கருத்துக்களை மாணவ-மாணவிகள் அறிந்து கொண்டு கல்வி அறிவுடன் நல்ல ஒழுக்கம் மிக்கவர்களாக விளங்கச் செய்யும் வகையில் 1,330 குறட்பாக்களையும் மனப்பாடம் செய்து ஒப்புவிக்கும் திறன் பெற்றவர்களுக்கு ரூ.15 ஆயிரம் வீதம் பரிசும், பாராட்டுச் சான்றிதழும் வழங்கப்பட்டு வருகிறது.

இதில் திருச்சி மாவட்டத்தில் 2021-2022-ம் ஆண்டில் விண்ணப்பம் செய்த மாணவ-மாணவிகளுக்கு கடந்த ஆண்டு ஜனவரி மாதம் மாவட்ட கலெக்டர் அலுவலகத்தில் திறனறிக் குழுவின் முன்னிலையில் திருக்குறள் முற்றோதல் நேராய்வு நடைபெற்றது.

பரிசு பெற்வர்கள்

அதன் அடிப்படையல் திருச்சி மாவட்டத்தில் திருக்குறள் முற்றோதல் பாராட்டுப் பரிசுக்கு தேர்வு செய்யப்பட்டவர்கள் விவரம் ெதரிவிக்கப்பட்டுள்ளது.. அதன்படி இ.வௌ்ளனூர் ஸ்ரீ வெற்றி வித்யாலயா சீனியர் செகன்டரி பள்ளி 4-ம் வகுப்பு பயின்ற ஷிவானி, திவிஷ். சிறுகாம்பூர் அரசு மேல்நிலைப்பள்ளி 7-ம் வகுப்பு பயின்ற அகத்தீஸ்வரி, பொன்மலை புனித சிலுவை பெண்கள் மேல் நிலைப்பள்ளியில் 9-ம் வகுப்பு பயின்ற கேத்ரின் ரோஸ், 10-ம் வகுப்பு பயின்ற காவியா, சேவா சங்கம் பெண்கள் மேல்நிலைப்பள்ளி 7-ம் வகுப்பு பயின்ற கவுசல்யா, வினோதினி, வர்ஷினி ஆகியோர்களுக்கு ரூ.15 ஆயிரம் வீதம் ரூ.1 லட்சத்து 20 ஆயிரம் காசோலைப் வழங்கப்பட்டது. மேலும் முதல்-அமைச்சர் மு.க.ஸ்டாலின் கையெழுத்திட்ட பாராட்டுச் சான்றிதழ்கள் மற்றும் அரசாணைகளை திருச்சி மாவட்ட கலெக்டர் பிரதீப்குமார் வழங்கி பாராட்டினார். மேலும் திருச்சி மாவட்டத்தில் வயது முதிர்ந்த தமிழறிஞர்களுக்கு உதவித் தொகை வழங்கும் திட்டத்தின் கீழ் உதவித்தொகை பெற்று வரும் தமிழறிஞர்களுக்கு கட்டணமில்லா பேருந்துப் பயண அட்டை பெறுவதற்கு ஏதுவாக உரிய அரசாணைகளை மாவட்ட கலெக்டர் வழங்கினார்.